డిగ్రీ ఉంది…ఉద్యోగం లేదు…భవిష్యత్తు ?

యువత కోసం వాస్తవిక మార్గదర్శిని

ఈ రోజు యువత ఎదుర్కొంటున్న నిజమైన సమస్య

ఈ రోజు భారతదేశంలో లక్షలాది మంది యువత ఒకే ప్రశ్నతో బాధపడుతున్నారు. డిగ్రీ ఉంది… కానీ ఉద్యోగం లేదు… ఇదే నేటి భారత యువత ఎదుర్కొంటున్న పెద్ద ప్రశ్న.ఏళ్ల తరబడి చదువు పూర్తి చేసిన తర్వాత కూడా చేతిలో సర్టిఫికేట్ తప్ప, చేతిలో పని లేకపోవడం నిరాశను కలిగిస్తోంది.
కుటుంబ ఆశలు, సమాజపు ఒత్తిడి, స్వయంగా మనపై మనకున్న అంచనాలు అన్ని కలిసి యువతను మానసికంగా కుంగదీస్తున్నాయి.“ఇంత చదివినా ఉపయోగం ఏమిటి?” అనే ప్రశ్న ప్రతి రోజూ మనసులో మెదులుతోంది.

కానీ ఇది ఒక వ్యక్తిగత వైఫల్యం కాదు. ఇది మారుతున్న కాలంలో ఏర్పడిన వ్యవస్థాపక సమస్య.
డిగ్రీ చదువు ఉద్యోగానికి గ్యారంటీ కాదని నేటి పరిస్థితులు స్పష్టంగా చూపిస్తున్నాయి. టెక్నాలజీ వేగంగా మారుతోంది, నైపుణ్యాల అవసరం పెరుగుతోంది, కానీ మన విద్యా విధానం ఇంకా వెనుకబడి ఉంది. అయినా భవిష్యత్తు పూర్తిగా చీకటి కాదు.
ఈ సవాళ్ల మధ్యనే కొత్త అవకాశాలు, కొత్త మార్గాలు కూడా పుడుతున్నాయి. సరైన దిశ, నైపుణ్యాల అభివృద్ధి, మరియు ధైర్యమైన ఆలోచన ఉంటే పరిస్థితిని మార్చుకోవచ్చు. ఉద్యోగం కోసం ఎదురుచూడటం కన్నా, అవకాశాన్ని సృష్టించుకోవడం ఇప్పుడు అవసరం.ఈ దశలో యువతకు కావాల్సింది ఆశ కాదు స్పష్టత. భవిష్యత్తు మన చేతుల్లోనే ఉందని గ్రహించిన రోజే మార్పు మొదలవుతుంది.

చదువు పూర్తయ్యాక  * ఇంట్లో ఒత్తిడి  * సమాజం ప్రశ్నలు  * మనసులో భయం  * ఆత్మవిశ్వాసం తగ్గిపోవడం. ఇవి అన్నీ సహజమే. కానీ ఒక నిజం గుర్తుంచుకోండి. డిగ్రీ లేకపోవడం కాదు సమస్య… దిశ లేకపోవడమే అసలు సమస్య.

1. ఇంటిలో ఒత్తిడి

డిగ్రీ పూర్తయ్యాక ఉద్యోగం రాకపోవడం మొదలైనప్పుడే ఇంట్లో ఒత్తిడి మొదలవుతుంది.తల్లిదండ్రులు చేసిన ఖర్చు, వారు తమపై పెట్టుకున్న ఆశలు ప్రతి రోజూ గుర్తుకు వస్తాయి.“ఇంత చదివించాం… ఇంకా పని దొరకలేదా?” అనే మాటలు మనసును గాయపరుస్తాయి. ఇంటి పరిస్థితులు, అప్పులు, బాధ్యతలు యువతపై భారంగా పడుతున్నాయి.
కొన్ని సార్లు నేరుగా కాకపోయినా, మాటల మధ్యలో ఒత్తిడి అనుభూతి కలుగుతుంది.తల్లిదండ్రుల ఆందోళన ప్రేమ నుంచే వచ్చినా, అది యువతను మానసికంగా కుంగదీస్తుంది.ఇంట్లో ప్రశాంతత తగ్గిపోవడంతో చదువుపైనా, ప్రయత్నాలపైనా ఆసక్తి తగ్గుతుంది.ఈ ఒత్తిడిని ఎలా ఎదుర్కోవాలో తెలియక చాలామంది మౌనంగా బాధపడుతుంటారు.

2. సమాజం ప్రశ్నలు

ఉద్యోగం లేని యువతను సమాజం తరచూ ప్రశ్నలతో వేదిస్తుంది.“ఏం చేస్తున్నావ్?”, “ఇంకా ఉద్యోగం రాలేదా?” అనే ప్రశ్నలు నిత్యం వినిపిస్తాయి.వివాహాలు, ఫంక్షన్లు, బంధువుల సమావేశాలు భయంగా మారిపోతాయి.
ఇతరులతో పోల్చి మాట్లాడటం యువతను మరింత కుంగదీస్తుంది.సమాజం విజయాన్ని కేవలం ఉద్యోగంతోనే కొలుస్తుంది.ప్రయత్నం, నైపుణ్యం, కలలను ఎవ్వరూ గుర్తించరు.ఈ ప్రశ్నలు మనసులో అనుమానాలు, అపరాధ భావనను పెంచుతాయి.క్రమంగా యువత సమాజానికి దూరంగా ఉండడం మొదలుపెడుతుంది.

3️. మనసులో భయం

ఉద్యోగం లేకపోవడం వల్ల భవిష్యత్తుపై భయం పెరుగుతుంది.“నా జీవితం ఎలా ఉంటుంది?” అనే ఆలోచన నిద్రను దూరం చేస్తుంది.కాలం గడుస్తున్నా, స్థిరత్వం లేకపోవడం ఆందోళనను పెంచుతుంది.వయసు పెరుగుతుందనే భావన భయాన్ని మరింత బలపరుస్తుంది.
ప్రయత్నాలు ఫలించకపోతే నిరాశ ఎక్కువవుతుంది.ఈ భయం కొత్త అవకాశాలను ప్రయత్నించకుండా ఆపేస్తుంది.మనసు ఎప్పుడూ ఒత్తిడిలో ఉండడంతో సృజనాత్మకత తగ్గిపోతుంది.భయాన్ని జయించకపోతే భవిష్యత్తు మరింత అస్పష్టంగా అనిపిస్తుంది.

4️. ఆత్మవిశ్వాసం తగ్గిపోవడం

పదే పదే విఫలమవడం వల్ల ఆత్మవిశ్వాసం తగ్గిపోతుంది.తన మీద తనకే నమ్మకం లేకుండా పోతుంది.
“నాలో ఏమీ లేదు” అనే భావన మనసులో బలపడుతుంది.ఇతరుల విజయాలు చూసి తాను తక్కువవాడినని భావిస్తారు.కొత్త అవకాశాలకు దరఖాస్తు చేయడానికే భయపడతారు.తప్పులు చేయడం కాదు, ప్రయత్నించడమే మానేస్తారు.
ఆత్మవిశ్వాసం తగ్గితే అవకాశాలు ఉన్నా కనిపించవు.తన సామర్థ్యాన్ని తానే సందేహించే స్థితికి చేరుకుంటారు.

డిగ్రీ మీ అసలు గుర్తింపు కాదు ఈ నిజాన్ని అంగీకరించండి

మొదట ఒక కఠినమైన నిజం డిగ్రీ మీ అసలు గుర్తింపు కాదు.డిగ్రీ అనేది మీరు చదివిన చదువు మాత్రమే. మీ అసలు గుర్తింపు మీకు ఉన్న నైపుణ్యం (సామర్థ్యం).డిగ్రీ ఉన్నా పని చేయలేకపోతే విలువ ఉండదు. డిగ్రీ లేకపోయినా పని చేయగలిగితే అవకాశాలు వస్తాయి. సర్టిఫికెట్ కాదు మీ చేతిలో ఉన్న పని నైపుణ్యమే మీ విలువను నిర్ణయిస్తుంది.

సమాజం మన విలువను సర్టిఫికెట్‌తో కొలవడం అలవాటు చేసుకుంది.కానీ వాస్తవ ప్రపంచం ఫలితాలను మాత్రమే గుర్తిస్తుంది.మీరు ఏ కాలేజీ చదివారన్నది కాదు, మీరు ఏం చేయగలరన్నదే ముఖ్యం.ఒక సమస్యను పరిష్కరించగలగడం మీ అసలు శక్తి.

 డిగ్రీ = ఉద్యోగం (ఇది ఇక పనిచేయదు)

పని తెలిసిన వ్యక్తికి అవకాశాలు వెతకాల్సిన అవసరం ఉండదు.అవకాశాలే అతని వద్దకు వస్తాయి.డిగ్రీ ఉన్నా చేతిలో పని లేకపోతే ఆత్మవిశ్వాసం తగ్గిపోతుంది.కానీ ఒక నైపుణ్యం నేర్చుకుంటే మనపై మనకే నమ్మకం పెరుగుతుంది.నైపుణ్యం మనల్ని ఇతరులతో పోల్చుకోనివ్వదు.అది మనల్ని ప్రత్యేకంగా నిలబెడుతుంది.
ఈ కాలంలో మార్కెట్ ఒక్క ప్రశ్నే అడుగుతుంది.మీకు ఏం చేయడం తెలుసు? ఆ ప్రశ్నకు సమాధానం లేకపోతే సర్టిఫికెట్లు పనికిరావు.అందుకే చదువు కాదు, సామర్థ్యమే భవిష్యత్తును నిర్ణయిస్తుంది.ఈ నిజాన్ని అంగీకరించిన రోజే మార్పు మొదలవుతుంది.అప్పుడే మీరు మీ జీవితంపై నియంత్రణ పొందుతారు.

స్కిల్ + అటిట్యూడ్ + నిరంతర ప్రయత్నం = కెరీర్ (ఇదే ఇక నుంచి పనిచేస్తుంది)

ఈ కాలంలో కెరీర్ డిగ్రీతో కాదు, సమీకరణంతో నిర్మించబడుతుంది.ఆ సమీకరణే స్కిల్ + అటిట్యూడ్ + నిరంతర ప్రయత్నం.స్కిల్ లేకపోతే అవకాశం వచ్చినా నిలబడలేం.అటిట్యూడ్ లేకపోతే ఉన్న స్కిల్ కూడా పనికిరాదు.నిరంతర ప్రయత్నం లేకపోతే ఎదుగుదల అక్కడితో ఆగిపోతుంది.
స్కిల్ అంటే పని చేయగల సామర్థ్యం.అటిట్యూడ్ అంటే నేర్చుకోవాలనే తపన. ప్రయత్నం అంటే అలసి పోకుండా ముందుకు నడవడం.ఈ మూడు కలిసినప్పుడే నిజమైన కెరీర్ ఏర్పడుతుంది. ఒక్కరోజులో విజయాన్ని ఆశించేవాడు మధ్యలోనే ఆగిపోతాడు.
కానీ రోజూ చిన్న ప్రయత్నం చేసే వాడు గమ్యాన్ని చేరుకుంటాడు.ఈ సమీకరణ ప్రతి రంగానికి వర్తిస్తుంది.
డిగ్రీ ఉన్నా లేకున్నా ఇది మారదు. ఇదే నేటి ప్రపంచం పనిచేసే విధానం. ఇదే ఇక నుంచి మీ భవిష్యత్తును నిర్మించే సూత్రం. ఈరోజు మార్కెట్ లో * మార్కులు కాదు  * సర్టిఫికెట్లు కాదు  * మీరు ఏమి చేయగలరో అదే ముఖ్యం

తల్లిదండ్రులు & సమాజం మాటలను ఎలా ఎదుర్కోవాలి?

తల్లిదండ్రులు మరియు సమాజం మాటలు మనల్ని బాధించడానికి కాదు,వాళ్లకు ఉన్న భయం వల్లే వస్తాయి.కానీ ప్రతి మాటను వింటూ మన జీవితాన్ని ఆపేయడం కూడా సరైంది కాదు.ఒక విషయం గుర్తుంచుకోండి ఇప్పుడు వాళ్ల మాటే వింటే,జీవితాంతం వాళ్ల మాటే వినాల్సి వస్తుంది.

అందుకే కోపం చూపించకండి.నిశ్శబ్దంగా, ప్రశాంతంగా మీ ఆలోచనను చెప్పండి.మాటలతో కాదు, మీ పని ద్వారా సమాధానం ఇవ్వండి.చిన్న ఫలితాలు చూపిస్తూ నమ్మకం పెంచండి.వాదనలు కాదు – చర్యలే నిజమైన సమాధానం.

యువత గుర్తుంచుకోవాల్సిన 5 ముఖ్యమైన నిజాలు

ఈ ఐదు విషయాలు ప్రతి యువకుడు తన జీవితంలో తప్పకుండా గుర్తుంచుకోవాలి.

1️.  Degree మీ అసలు గుర్తింపు (Identity) కాదు 

డిగ్రీ అనేది మీరు చదివిన చదువు మాత్రమే. అది మీ జీవితం కాదు… మీ విలువను పూర్తిగా చెప్పదు.

డిగ్రీ ఉన్నా పని చేయలేకపోతే అది మీకు ఉపయోగపడదు, మీకు విలువా ఉండదు.  డిగ్రీ లేకపోయినా పని చేయగల సామర్థ్యం ఉంటే అవకాశాలు మీ దగ్గరకే వస్తాయి. మీ అసలు గుర్తింపు మీకు ఉన్నది నైపుణ్యం.

సర్టిఫికెట్ కాదు మీ చేతిలో ఉన్న పని నైపుణ్యమే మీ అసలు విలువను నిర్ణయిస్తుంది.

ఈ నిజాన్ని అంగీకరించడమే మార్పుకు మొదటి అడుగు.సమాజం ఏమనుకుంటుందో కంటే మీరు ఏమి చేయగలరో ముఖ్యం.ఒక పేపర్ సర్టిఫికెట్ మీ సామర్థ్యాన్ని నిరూపించలేడు.మీ చేతిలో ఉన్న పని మాత్రమే మీ స్థాయిని నిర్ణయిస్తుంది.పని తెలిసిన వ్యక్తికి కాలం విలువ ఇస్తుంది.డిగ్రీ లేని వారు కూడా ఈ రోజుల్లో గొప్ప స్థాయికి చేరుతున్నారు.అవకాశాలు చదువును కాదు, ఫలితాలను చూస్తాయి.
కాబట్టి మీ నిజమైన గుర్తింపును మీరే నిర్మించుకోవాలి.

2.  ఉద్యోగం మీ విలువ(Value )ను ఇకనుంచి నిర్ణయించదు

“నాకు ఇంకా ఉద్యోగం లేదు” అని మీరు మీ విలువను తక్కువగా భావించకండి. ఉద్యోగం రావడం ఒక దశ మాత్రమే.కాని మీరు నేర్చుకుంటున్నారా? ఎదుగుతున్నారా?
అదే నిజమైన విలువ. మీ ప్రయత్నం, మీ అభ్యాసం, మీ క్రమశిక్షణే మీ భవిష్యత్తును నిర్మిస్తాయి.

ఈ దశలో మీరు ఉద్యోగం కోసం ప్రయత్నిస్తున్నవారే కావచ్చు.కానీ ఆ ప్రయత్నమే మీ విలువకు సంకేతం.ఇప్పుడే ఉద్యోగం లేకపోయినా మీలోని సామర్థ్యం తగ్గిపోదు.మీరు రోజూ ఏదో ఒకటి నేర్చుకుంటే మీరు ముందుకు వెళ్తున్నారు.మీ మీద మీరు పెట్టుకునే నమ్మకమే అసలు బలం.ఇతరుల అభిప్రాయాలతో మీ విలువను కొలవకండి.మీ ప్రయాణాన్ని మీరే గౌరవించండి.విలువ గుర్తించబడే రోజు ఖచ్చితంగా వస్తుంది.

3.  నేర్చుకోవడం (Learning) ఎప్పుడూ ఆపకూడదు

చదువు పూర్తయింది అనుకోవడం చాలామంది చేసే పెద్ద పొరపాటు. ఈ కాలంలో నేర్చుకుంటూ ఉండే వాడే ముందుకు వెళ్తాడు.ఆగిపోయినవాడు వెనుకబడిపోతాడు.రోజుకు కొద్దిగా అయినా నేర్చుకునే అలవాటు మీ జీవితాన్ని మెల్లగా కానీ ఖచ్చితంగా మార్చుతుంది.

నెర్చుకోవడం అంటే కేవలం పుస్తకాలు చదవడం మాత్రమే కాదు.కొత్త నైపుణ్యాలు, కొత్త ఆలోచనలు స్వీకరించడమూ నేర్చుకోవడమే.మారుతున్న కాలానికి అనుగుణంగా మనల్ని మనం అప్డేట్ చేసుకోవాలి.ఈ ప్రపంచం వేగంగా మారుతోంది, మనం కూడా మారాలి. ప్రతి రోజు నేర్చుకున్నది రేపటి అవకాశంగా మారుతుంది.నెర్చుకోవడంలో పెట్టుబడి ఎప్పుడూ వృథా కాదు.అది మన ఆత్మవిశ్వాసాన్ని పెంచుతుంది.నిరంతరం నేర్చుకునేవారే భవిష్యత్తును నిర్మిస్తారు.

4️.  ఇప్పుడు ఆలస్యం అయిపోయింది అనుకోవడం తప్పు భావన

చాలామంది ఇలా అనుకుంటారు: “ఇప్పుడు మొదలుపెడితే ఆలస్యం అయిపొయింది ఇంకేం నేర్చుకుంటాం అనుకుంటారు” , “ఈ వయసులో ఇక ఏమవుతుంది అనుకుంటారు?”

ఇది నిజం కాదు. 25 తర్వాత అయినా, 30 తర్వాత అయినా, డిగ్రీ పూర్తయ్యాక చాలా సంవత్సరాలు గ్యాప్ ఉన్నా మళ్లీ కొత్తగా నేర్చుకుని జీవితాన్ని మార్చుకోవచ్చు. ఆలస్యం అనేది లేదు మొదలు పెట్టకపోవడమే అసలు సమస్య. డిగ్రీ మీ పేరు కాదు, మీ జీవితం కాదు. మీ సామర్థ్యమే మీ అసలు బలం.

“ఇప్పుడు ఆలస్యం అయింది” అనేది నిజం కాదు. ప్రయత్నం మొదలైన రోజే సరైన సమయం.                ఈ భావన యువతను ముందుకు అడుగు వేయనివ్వదు.వయసును ఒక అడ్డంకిలా భావించడం మనసులోనే ఓటమిని సృష్టిస్తుంది.వాస్తవంగా విజయానికి ఎలాంటి వయస్సు పరిమితి ఉండదు.
మార్పు కోరుకున్న క్షణమే కొత్త ప్రయాణం మొదలవుతుంది.నేడు నేర్చుకోవడం మొదలుపెట్టినవాడు రేపు అవకాశాలను అందుకుంటాడు.
అవకాశాలు వయస్సును కాదు, సామర్థ్యాన్ని మాత్రమే చూస్తాయి.కాబట్టి భయాన్ని కాదు, నిర్ణయాన్ని ఎంచుకోండి.మొదలు పెట్టిన రోజే మీ జీవితానికి కొత్త ఆరంభం.
5. మీరు మారితే మీ భవిష్యత్తు మారుతుంది

మీ జీవితాన్ని మార్చే శక్తి బయట ఎక్కడా లేదు. ప్రభుత్వం దగ్గర లేదు.సమాజం దగ్గర లేదు.అదృష్టం దగ్గర లేదు.మీ ఆలోచనల్లో ఉంది.మీ నిర్ణయాల్లో ఉంది.మీ రోజువారి ప్రయత్నంలో ఉంది. మీరు మారితే మీ ఆలోచనలు మారతాయి.మీ ఆలోచనలు మారితే.మీ భవిష్యత్తు తప్పకుండా మారుతుంది.            మార్పు ఎప్పుడూ బయట నుంచి రాదు.అది మీలో నుంచే మొదలవుతుంది.ఇతరులను నిందించడం సులువు, కానీ మారడం కష్టం.

మార్పు కోసం ధైర్యం కావాలి.మీ అలవాట్లు మారితే మీ ఫలితాలు మారతాయి.రోజూ మీరు చేసే చిన్న పనులే రేపటి జీవితాన్ని నిర్ణయిస్తాయి.ఈరోజు మీరు చేసే ఎంపికే రేపటి దిశను నిర్ణయిస్తుంది.ఒక్కరోజులో కాదు, ఒక్క నిర్ణయంతో మార్పు మొదలవుతుంది.
ఆ నిర్ణయాన్ని ఈరోజే తీసుకోవాలి.ఎందుకంటే మీరు మారితేనే మీ భవిష్యత్తు మారుతుంది.

యువతకు చివరి సందేశం

మీరు ఇప్పుడే చదువుతున్న ఈ Article మీ జీవితంలో ఒక Turning Point కావచ్చు.ఈ రోజు చిన్న అడుగు వేయండి. ఆ అడుగే రేపటి మీ గమ్యానికి దారి చూపుతుంది.

 “నా వల్ల కాదు” అనుకునే రోజు ఓటమి. “నేను నేర్చుకుంటాను” అనుకున్న రోజు విజయం మొదలుమీకు ఒక ప్రశ్న:మీ డిగ్రీ తర్వాత మీరు ఏ దిశలో వెళ్లాలని అనుకుంటున్నారు? Comment లో మీ ఆలోచన చెప్పండి. కలిసి చర్చిద్దాం.

“పరిష్కారాలకై పూర్తి కధనం next article లో”